Təəssüflə qeyd etmək istəyərdim ki, müasir dövrdə qaraciyər və infeksion xəstəliklər geniş vüsət alaraq əhali arasında kifayət qədər yayılmışdır. Əksər vətəndaşlarımızın mütəmadi şəkildə check-up müayinələrindən keçməməsi və həkimə vaxtında müraciət etməməsi səbəbindən xəstəliklər gecikmiş mərhələlərə qədər gəlib çatır ki, bu səbəbdən də onların vaxtında və keyfiyyətli müalicəsi nisbətən çətinləşmiş olur. Məhz buna görə xalqımızın müəyyən aralıqlarda check-up müayinələrdən keçməsini təkidlə məsləhət görərdim.